۸صبح، کابل: د ملګرو ملتونو د ماشومانو د ملاتړ صندوق (یونیسف) او د ملګرو ملتونو ښوونیز، علمي او کلتوري سازمان (یونیسکو) په افغانستان کې نجونو او ښځو ته د زدهکړو حق د بېرته ورکولو غوښتنه کړې ده.
یونیسف چهارشنبه د لړم پر ۱۳مه راپور ورکړی له زدهکړو د نجونو او ښځو دوامداره محرومیت او پرلپسې بحرانونو، د زدهکړو تقاضا او د افغانستان د ښوونیز نظام د وړتیا ترمنځ واټن زیات کړی دی.
دغو دوو بنسټونو خبرداری ورکړی چې له بېړنیو ګامونو پرته به په افغانستان کې یو بشپړ نسل له زدهکړو بېبرخې او د هېواد د راتلونکي پرمختګ او بیارغونې بنسټونه به زیانمن شي.
یونیسف او یونیسکو ټینګار کړی چې د ښوونې او روزنې وضعیت د ښه کېدو لپاره دې هغه خنډونه لرې شي چې زدهکړو ته د لاسرسي او د کیفیت د ښه کېدو مخه نیسي.
د دغو دوو بنسټونو د ارزونې موندنې د ښوونکو په برخه کې پر دوامدارې پانګونې، په ټولګیو کې د اغېزناکو درسي لارو چارو پر ښه کېدو او د مناسبو ښوونیزو توکو پر برابرېدو ټینګار کوي.
