۸صبح، کابل: په افغانستان کې د ملګرو ملتونو مرستندویه دفتر (یوناما) اعلان کړی چې د افغانستان په ختیځ کې له زلزلهځپلو سره د مرستو لپاره د ښځو ونډه حیاتي ارزښت لري.
د یوناما مشرې روزا اوتنبایوا یکشنبه د وږي پر ۲۳مه د زلزلهځپلو سیمو له لیدنې وروسته ویلي چې د ژمي په رانږدې کېدو له زلزلهځپلو سره د مرستو لپاره د نړیوالې ټولنې د جدي ملاتړ اړتیا ده.
نوموړې ټينګار کړی چې ملګرو ملتونو له زلزلهځپلو سره د مرستې لپاره ۱۳۹ میلیونه ډالر غوښتي دي.
د یوناما په خبره، که دا مرسته برابره نه شي، ښايي ډېرې کورنۍ د ژمي له یخنۍ ژوندۍ ونه وځي.
له دې وړاندې نړیوالو بنسټونو خبرداری ورکړی و چې د ژمي له راتګ وړاندې دې د زلزلهځپلو بېړنۍ اړتیاوې لکه سرپناه، روغتیايي خدمات او خوراکي توکي برابر شي.
