۸صبح، کابل: افغانستان کې د ملګروملتونو سازمان د استازولۍ دفتر (یوناما) ویلي، چې له زدهکړو د نجونو منع کول د زدهکړو په برخه کې د تېرو شلو کلونو اصلي پرمختګونه له منځه وړي.
یوناما دوشنبه د سلواغې پر ۱۷ د یوې خبرپاڼې په خپرولو یو ځل بیا له طالبانو غوښتي، چې د نجونو پر زدهکړو لګول شوی بندیز لیرې کړي.
د ویلو ده، چې تر یوه کال زیاته موده کېږي نجونې د طالبانو له خوا د زدهکړو له حق څخه بېبرخې شوې دي.
د طالبانو مشرتابه په خپله وروستۍ پرېکړه کې د نجونو او ښځو لپاره په کورنیو او بهرنیو موسسو کې د کار او د زدهکړو د ممنوعیت فرمان صادر کړ.
د طالبانو فرمانونو تل پراخ کورني او بهرني غبرګونونه پارولي دي.