۸صبحؤ تخار: په تخار کې ځايي سرچینې وايي چې په دغه ولایت کې یو ځوان د ناچاودو مهماتو په چاودنه کې مړ شوی دی.
سرچینو یکشنبه د لړم پر ۱۸مه ۸صبح ورځپاڼې ته وویل چې دا پېښه نن له غرمې وروسته د خواجه غار ولسوالۍ «د مهاجرینو په جومات» کې شوې ده.
د سرچینو په خبره، په پېښه کې یو کس ټپي شوی هم دی.
د سرچینو په خبره، دغو کسانو د زړو اوسپنو پېر او پلور کاوه او په راټولو کړو زړو اوسپنو کې یې ناچاوده توکي هم و چې پرې چاودلي.
پرون د غزني په قرهباغ ولسوالۍ کې هم د ورته پېښې په پایله کې یو ۲۵ کلن ځوان مړ شوی و.
