د کډوالو په چارو کې د ملګرو ملتونو عالي کمېشنري وايي، هغه کسان چې جبري بېځایه شوي، د ګڼو ننګونو له زغملو سره سره، هره ورځ د غوره ژوند د رغولو لپاره هڅې کوي.
دغه بنسټ یکشنبه د سپټمبر پر ۶مه په اېکس پاڼه کې لیکلي چې پناهغوښتونکي بې له دې د کوم ځای او څوک دي، د نړیوال ملاتړ او پاملرنې وړ دي.
نوموړي سازمان ټينګار کړی چې بېځایه شوي که هر چېرته وي، نړیوالې پاملرنې ته اړتیا لري.
د کډوالو په چارو کې د ملګرو ملتونو عالي کمېشنرۍ له دې مخکې هم ویلي و چې د پناهغوښتونکو حقوق، بشري حقوق دي او باید د هر انسان له حقونو ملاتړ وشي.
