۸صبح، کابل: د ملګرو ملتونو د ماشومانو د ملاتړ صندوق (یونیسف) ویلي چې پاکو او روغتیايي اوبو ته لاسرسی د هر ماشوم بنسټیز حق دی او دا حق دې خوندي شي.
دغه بنست چهارشنبه د لړم پر ۲۷مه په اېکسپاڼه کې لیکلي چې هره ورځ په پاکو اوبو او صابون د لاسونو مینځل ماشومان له بېلابېلو ناروغیو ژغورلی شي.
یونیسف د شخصي روغتیا د ساتنې پر رعایت ټینګار کړی او ویلي یې دي چې د څښاک پاکو اوبو او روغتیايي اسانتیاوو ته د ماشومانو لاسرسی د هغوی د روغتیا په خوندیتوب کې مهمه ونډه لري.
دغه سازمان د ماشومانو د نړیوالې ورځې په مناسبت د نړۍ له مشرانو غوښتي چې د ماشومانو د حقونو د خوندیتوب لپاره او د هغوۍ د روغ ژوند او ښې راتلونکې لپاره هڅې وکړي.
د څښاک پاکو اوبو او روغتیايي خدماتو ته لاسرسی لا هم د ماشومانو بنسټيزه اړتیا ګڼل کېږي.






