۸صبح، کابل: د ملګرو ملتونو د ماشومانو د ملاتړ صندوق (یونیسف) وايي چې په افغانستان کې د لومړنیو زدهکړو په عمر ۵۳ سلنه ماشومان له رسمي زدهکړو بېبرخې دي.
یونیسف چهارشنبه د لړم پر ۱۳مه د ملګرو ملتونو له ښوونیز، علمي او کلتوري سازمان (یونسکو) سره په ګډ راپور کې ویلي چې د نفوس زیاتوالی، پر نجونو او ښځو ښوونیز محدودیتونه او د پانګونې کمښت د افغانستان د ښوونیز نظام ستونزې زیاتې کړې دي.
د راپور له مخې، افغانستان لا هم په نړۍ کې یوازینی هېواد دی چې نجونې او ښځې پکې په رسمي ډول له لومړنیو زدهکړو پورته ته له لاسرسي محرومې دي.
د ۲۰۲۶ کال تر اکتوبره شاوخوا ۵ زره او ۳۰۰ ښوونیز ټولګي فعال و چې د ۶۴ سلنه نجونو په ګډون نږدې ۱۶۲ زرو زدهکوونکو پکې زدهکړې کولې.
دغو دوو بنسټونو ویلي چې د تنکیو نجونو لپاره د زدهکړو پاتې فرصتونه لکه ښوونیز ټولګي، د سواد زدهکړو پروګرامونه، د مهارتونو روزنه او له لرې زدهکړې، د هغوی د اړتیاوو د پوره کولو لپاره بسنه نه کوي.
