۸صبح، کابل: د افغانستان لپاره د ملګرو ملتونو د مرستندویه پلاوي (یوناما) مشرې د افغانستان ختیځو سیمو ته د خپل سفر په ترڅ کې له ځايي اوسېدونکو سره لیدلي او پر شته اړتیاوو او ننګونو یې خبرې کړې دي.
یوناما چهارشنبه د لړم پر ۱۳مه راپور ورکړی چې رباب فاطمې د اکتوبر له ۲۷ تر ۲۹ پورې د افغانستان ختیځو او سرحدي سیمو ته سفر کړی دی.
د یوناما په خبره، د دغه سفر موخه هلته د اړتیاوو او جدي ننګونو په اړه د معلوماتو ترلاسه کول و.
رباب فاطمې له ځينو ښځو سره هم لیدلی او له هغو ننګونو چې ورسره مخ دي او پر شته فرصتونو یې ورسره خبرې کړې دي.
نوموړې له دې مخکې د تورخم په عمري کمپ کې د بېړنۍ او زېږون له برخې لیدنه کړې او میندو ته یې د حیاتي روغتیايي خدماتو پر پراختیا ټينګار کړی و.
د یوناما مشرې یو ځل بیا د افغانانو د ملاتړ لپاره د ملګرو ملتونو پر ژمنتیا ټينګار کړی دی.
