۸صبح، کابل: د ملګرو ملتونو د ماشومانو د ملاتړ صندوق (یونیسف) ویلي چې د افغانستان د ۱۲ ولایتونو په روغتیايي مرکزونو او ښوونځيو کې یې پاکو اوبو، روغتیايي او حفظالصحې خدماتو ته لاسرسی پیاوړی کړی دی.
یونیسف پنجشنبه د تلې پر ۹مه په اېکس پاڼه کې لیکلي چې دا پروګرام د کوریا په ملاتړ پلی کېږي.
نوموړي بنسټ د دغه پروګرام موخه پاکو اوبو، روغتیايي او حفظالصحې خدماتو ته د ماشومانو او کورنیو د لاسرسي برابرول دي.
یونیسف زیاته کړې چې په ښوونځيو او روغتیايي مرکزونو کې د دغو خدماتو برابرول له ککړو اوبو د راولاړېدونکو ناروغیو په مخنیوي کې مرسته کوي.
