۸صبح، کابل: د ملګرو ملتونو د ماشومانو د ملاتړ صندوق (یونیسف) ویلي چې د غور په زیانمنو سیمو کې د څښاک پاکو اوبو د لاسرسي لپاره د لمریزې برېښنا په مرسته د اوبو رسولو سیسټمونه برابروي.
نوموړي سازمان سهشنبه د وږي پر ۱۰مه په خواله شبکې اېکس کې لیکلي چې کورونو ته نږدې پاکو اوبو ته لاسرسی ماشومانو ته وخت ورکوي چې زدهکړو، لوبو او ودې ته ډېر پام وکړي.
یونیسف ویلي چې د اوبو رسولو دا سیسټمونه د کوریا د بهرنیو چارو وزارت په ملاتړ د غور په زیانمنو سیمو کې برابرېږي.
دغه بنسټ زیاته کړې چې کورونو ته نږدې د څښاک پاکو اوبو ته لاسرسی کولی شي د کورنیو د ژوند شرایط ښه او ماشومانو ته ډېر فرصتونه برابر کړي.
دا په داسې حال کې ده چې د افغانستان په ډېرو په ځانګړې توګه په لرې پرتو سیمو کې د څښاک پاکو اوبو ته لاسرسی ننګونه ګڼل کېږي.
