فرانسوي ساینسپوه هنري کاګان او جاپاني ساینسپوه کنسو سوای د «هېنداره انځور» مالیکولونو په اړه د څېړنو له کبله د ۲۰۲۶ کال د کیمیا نوبل جایزه ګټلې ده.
رویټرز چهارشنبه د اکتوبر پر ۷مه راپور ورکړی چې د دغو دوو ساینسپوهانو څېړنو د کیمیا په برخه کې د یوې اوږدمهالې معما په اوارولو کې مرسته کړې؛ هغه چې د درملو په جوړولو کې هم ځانګړی ارزښت لري.
د راپور پر بنسټ، د «هېندارې انځور» مالیکولونه د انسان د ښي او کېڼ لاس په څېر له یو بل سره ورته وي، خو هر یو یې بېلابېل اغېز لرلی شي.
د فرانسې ولسمشر ایمانویل مکرون د دغې جایزې د ګټونکو ستاینه کړې او دا یې د فرانسې لپاره ستر ویاړ بللی دی.
مکرون ویلي چې دا جایزه د ټول عمر د څېړنو لپاره غوره ستاینه ده.
کاګان ۹۵ کلن او سوای ۷۶ کلن دی. کاګان د نوبل جایزې د ګټونکو په ډله کې درېیم تر ټولو ډېر عمر لرونکی بلل کېږی.
