د ملګرو ملتونو د ماشومانو د ملاتړ صندوق (یونیسف) غوښتنه کړې چې په نیپال کې دې له سېلاب ځپلو ماشومانو او کورنیو څخه مالي ملاتړ وشي.
نوموړي بنسټ یکشنبه د سپټمبر پر ۶مه په اېکس پاڼه کې لیکلي چې په نیپال کې له پراخو سېلابونو وروسته زرګونه ماشومان او کورنۍ له کړاوونو او اندېښنو سره مخ دي.
یونیسف ویلي چې د دغه سازمان تر ملاتړ لاندې ډلې لکه رواني – ټولنیز مشاروان ځپل شویو ماشومانو او کورنیو ته د مشاورې خدمات وړاندې کوي.
په دغو خدماتو کې ډلهییزې مشورې او انفرادي پاملرنه شامله ده چې له ماشومانو او کورنیو سره مرسته کوي څو د پېښې له امله له رامنځته شوي خپګان او اندېښنو سره مقابله وکړي.
د ملګرو ملتونو د ماشومانو د ملاتړ صندوق ټینګار کړی چې د دغو ماشومانو او کورنیو د ملاتړ لپاره دې خلک مالي مرستې وکړي.
