د ملګرو ملتونو له ماشومانو د ملاتړ صندوق (یونیسف) راپور ورکړی چې په غزه کې ماشومان له خپلو بنسټیزو حقونو لکه د ژوند، زدهکړو او روغتیايي خدماتو ته د لاسرسي له حقونو بې برخې دي.
نوموړي سازمان شنبه د مارچ پر ۱۴مه په خپله اېکس پاڼه کې لیکلي چې د ملکیانو په راپورونو کې د ماشومانو د وژل کېدو او ټپي کېدو غږ کم اورېدل شوی دی.
یونیسف ویلي چې د ماشومانو پر غوښتنو د پوهېدو لپاره یې په غزه کې له څه باندې ۱۶۰۰ ماشومانو سره خبرې کړې دي.
یاد سازمان زیاته کړې: «ځوابونه یې روښانه وو: امنیت، سرپناه، ښوونځی، لوبې او روغتون» غواړي.
نوموړي سازمان ټينګار کړی چې د ماشومانو د خبرو اورېدل اړین دي او هغه غزه چې هغوی یې غواړي هماغه غزه ده چې حق لري وده پکې وکړي.
