۸صبح، کابل: د ملګرو ملتونو د ماشومانو د ملاتړ صندوق (یونیسف) اعلان کړی چې په ټول افغانستان کې د ګوزڼ ناروغۍ پر وړاندې د واکسین کمپاین پیل شوی دی.
دغه بنسټ دوشنبه د وږي پر ۳۰مه په اېکسپاڼه کې لیکلي چې د یونیسف ډلې د مرسته کوونکو په ملاتړ په سیمو کې شته، څو له پنځو کالو کم عمره ماشومانو ته د پولیو پر وړاندې واکسین ورکړي.
یونیسف ویلي چې دا ډلې هڅه کوي له پنځو کالو کم عمره هر ماشوم ته، ان د افغانستان په تر ټولو لرې پرتو سیمو کې واکسین ته د لاسرسې زمینه برابره کړي.
د دغه کمپاین موخه د ګوزڼ ناروغۍ پر وړاندې د ماشومانو خوندیتوب دی.
ورته مهال «له پولیو پاک افغانستان» بنسټ هم ټینګار کړی چې د ماشومانو واکسینول له پولیو پاک افغانستان سره مرسته کولی شي.
