۸صبح، کابل: په افغانستان کې د ملګرو ملتونو د ماشومانو د ملاتړ صندوق (یونیسف) استازي تاجالدین اویواله «د اغېزناکتوب د ارزونې په نړیوال فورم» کې په افغانستان کې د دغه سازمان د مخنیوي د اقداماتو په برخه کې خپلې تجربې شریکې کړې دي.
اویواله سه شنبه د وږي پر ۳۱مه، پر اېکس پاڼه ویلي چې د شواهدو پر بنسټ، له مخکې ټاکل شوې بوديجې او د سیمهییزو ظرفیتونو د پیاوړتیا له لارې د ناورین له رامنځته کېدو مخکې اقدام کولای شي له ناورینونو سره د مقابلې وړتیا لوړه کړي.
هغه زیاته کړې چې دا غونډه د یونیسف، د کډوالو په چارو کې د ملګرو ملتونو د عالي کمېشنرۍ، د ملګرو ملتونو د خوړو او کرنې سازمان (فایو)، د خوړو نړیوال پروګرام او د ملګرو ملتونو د بشري مرستو د همغږۍ دفتر (اوچا) له خوا جوړه شوې وه.
افغانستان په وروستیو کلونو کې له بېلابېلو بشري ناورینونو او طبیعي پېښو سره مخ شوی دی. وچکالي، سېلابونه او زلزلې له هغو پېښو دي چې د هېواد په بېلابېلو برخو کې یې کورنیو ته زیانونه او تاوانونه اړولي دي.
