۸صبح، کابل: د ملګرو ملتونو له ماشومانو د ملاتړ صندوق یا یونیسف ویلي چې که د مخنیوي تدابیر ونه نیول شي، تر ۲۰۳۰ کال پورې به په کابل کې د ځمکې لاندې اوبه بشپړې وچې شي.
یونیسف سهشنبه د لړم پر ۸مه په خواله شبکې اېکس کې لیکلي چې د افغانستان لپاره د ملګرو ملتونو د سرمنشي ځانګړې استازې روزا اوتانبایوا له اغېزمنو سیمو لیدنه کړې ده.
یاد بنسټ په کابل کې د ځمکې لاندې اوبو د وچېدو لامل چټک ښاري کېدل او اقلیمي بدلون ښودلی دی.
ورته مهال، په افغانستان کې د یونیسف استازي تاجالدین اویوال د ځمکې لاندې اوبو کمېدل بشري ناروین یاد کړی او د بېړنیو مرستو غوښتنه یې کړې ده.
د ملګرو ملتونو اړوندو بنسټونو له دې وړاندې هم په افغانستان کې د اقلیمی بدلون د پاېلو په اړه خبرداري وکړي او په دې برخه کې یې د چټکو ګامونو غوښتنه کړې ده.
