۸صبح، کابل: په افغانستان کې د ملګرو ملتونو د ماشومانو د ملاتړ صندوق (یونیسف) استازي تاجالدین اویوالي ویلي چې په افغانستان کې له هرو ۱۰ لس کلنو ماشومانو ۹ یې د لوستلو لومړني مهارتونه نه لري.
اویوالي سه شنبه د وږي پر ۱۷مه، د سواد زدهکړې د نړیوالې ورځې په مناسبت پر خپله ایکس پاڼه په افغانستان کې د ماشومانو د زدهکړې پر اهمیت ټینګار کړی دی.
هغه زیاته کړې چې د سواد زدهکړې او لومړنیو مهارتونو په برخه کې پانګونه د افغانستان د راتلونکي لپاره پانګونه ده.
په افغانستان کې د یونیسف استازي ټینګار کړی چې هر ماشوم باید د لوستلو، زدهکړې او خپل استعداد د غوړېدو فرصت ولري.
دا څرګندونې په داسې حال کې کېږي چې د افغانستان د بشري حقونو په چارو کې د ملګرو ملتونو ځانګړي راپور ورکوونکي ریچارډ بېنېټ ویلي چې په افغانستان کې ماشومان او تنکي ځوانان په ځانګړې توګه نجونې زدهکړو ته له لاسرسي محرومې دي.
بېنېټ زیاته کړې چې د طالبانو سیاستونو د افغان ماشومانو اساسي حقونه سخت محدود کړي او د هغوی راتلونکی یې له جدي ګواښ سره مخ کړی دی.
