د ملګرو ملتونو د ماشومانو د ملاتړ صندوق (یونیسف) وايي چې په ۲۰۲۵ کال کې په ۱۱۲ هېوادونو ک له تاوتریخوالي زیانمنو شاوخوا ۴.۵ میلیونو ماشومانو ملاتړ ترلاسه کړی دی.
دغه بنسټ سهشنبه د نومبر پر ۱۷مه په اېکس پاڼه کې لیکلي، هغه ماشومان چې تاوتریخوالی تجربه کوي، د ښه کېدو لپاره ملاتړ او اړینې پاملرنې ته اړتیا لري.
یونیسف ټینګار کړی چې دا ماشومان دې خوندي ځایونو ته لاسرسی ولري او هلته دې داسې کسان وي چې خبرو ته یې غوږ ونیسي او باور پرې وکړي.
دغه سازمان د هغو ماشومانو د رغېدو لپاره د مناسبو خدماتو او ملاتړ پر برابرولو ټینګار کړی چې له تاوتریخوالي زیانمن شوي دي.
یونیسف څرګنده کړې چې هېڅ ماشوم دې له تاوتریخوالي سره نه مخامخېږي.






