۸صبح، کابل: د ملګرو ملتونو د ماشومانو د ملاتړ صندوق (یونیسف) ویلي چې په ۲۰۲۶ کال کې په افغانستان کې شاوخوا ۱.۳ میلیونه ماشومان د خوارځواکۍ درملیز خدمات ترلاسه کوي.
یونیسف چهارشنبه د تلې پر ۸مه په اېکس پاڼه کې لیکلي چې د افغانستان په ګوټ ګوټ کې لا هم ګڼ ماشومان د خوارځواکۍ له ګواښ سره مخ دي.
دغه سازمان ویلي چې پر خوارځواکۍ اخته ماشومان له پېژندنې وروسته خدمات او درملیز خواړه ترلاسه کوي.
یونیسف زیاته کړې چې اړینه پاملرنه او درملیز خواړه پر خوارځواکۍ د اخته ماشومانو وضعیت ښه کولی شي.
له دې مخکې هم یونیسف ویلي و چې په افغانستان کې ۳.۷ میلیونه ماشومان له خوارځواکۍ کړېږي چې له ډلې یې شاوخوا یو میلیون له شدیدې خوارځواکۍ سره مخ دي.
