۸صبح، فراه: سیمهييزې سرچینې وايي چې په فراه کې ناڅرګندو کسانو د افسانې په نوم له یوې ۳۳ کلنې ښځې سر پرې کړی دی.
سرچینو سهشنبه د لړم پر ۱۹مه ۸صبح ورځپاڼې ته وویل چې دغې ښځې پنځه اولادونه لرل او شاوخوا یو کال مخکې له ایرانه افغانستان ته راستنه شوې وه.
د سرچینو په خبره، افسانې له خپلې خسرګنۍ سره ژوند کاوه او مېړه یې په ایران کې دی.
سرچینې زیاتوي چې تر اوسه د دې پېښې انګیزه او عاملان څرګند شوي نه دي.
دا په داسې حال کې ده چې په افغانستان کې د ښځو پر وړاندې تاوتریخوالي جدي اندېښنه بلل کېږي.
څو ورځې مخکې په ننګرهار کې هم یوه ښځه په ډزو وژل شوې وه.
