۸صبح، نورستان: په نورستان کې ځايي سرچینې وايي چې ناپېژاندو وسلهوالو یو ځوان وژلی دی.
سرچینو ویلي چې دا ځوان عبدالرازق نومېده او یکشنبه د وږي پر ۴مه د نورستان منډول ولسوالۍ په «لینر» سیمه کې وژل شوی دی.
سرچینو زیاته کړې چې عبدالرازق د منډول ولسوالۍ اصلي اوسېدونکی و.
د سرچینو په وینا، تر اوسه د دغه ځوان د وژلو لامل څرګند نه دی.
په نورستان کې ځايي طالبانو هم تر اوسه په دې اړه څه ویلي نه دي.
د یادونې ده چې پرون د روزګان په دهراود ولسوالۍ کې یو کس خپل ورور د چړو په ګوزارونه وژلی و.
