۸صبح، کاپیسا: د افغانستان متحدې جبهې اعلان کړی چې د کاپیسا ولایت په تګاب ولسوالۍ کې يې په یو لړ عملیاتو کې یو طالب وژلې دی.
دې جبهې چهارشنبه د لړم پر ۶مه، په یوه خبرپاڼه کې ویلي چې د طالبانو دغه غړی ملا ثمرګل نومېده او د تګاب ولسوالۍ د درهنامې اړوند په مليګر سیمه کې په نښه شوی دی.
د خبرپاڼې له مخې، ملا ثمرګل د طالبانو د پولیسو د ځواکونو غړی و.
دا په داسې حال کې ده چې په افغانستان کې د طالبانو له بیا واکمنېدو وروسته، د دې ډلې مخالفو جبهو هم د هېواد په ځینو سیمو کې د طالبانو پر وړاندې فعالیتونه ترسره کړي دي.
