۸صبح، کابل: د ملګرو ملتونو د ماشومانو د ملاتړ صندوق (یونیسف) د ماشومانو د نړیوالې ورځې په مناسبت، د ماشومانو د زدهکړې پر حق ټینګار کړی دی.
دې ادارې پنجشنبه د لړم پر ۲۸مه، په یوه پیغام کې ویلي چې پر زدهکړو پانګونه د غوره راتلونکي د جوړولو لپاره پانګونه ده.
دا په داسې حال کې ده چې د طالبانو له بیا واکمنېدو وروسته، په افغانستان کې ۲.۴ میلیونه ماشومان له زدهکړو بې برخې شوي دي.
د ماشومانو نړیواله ورځ په داسې حال کې سبا را رسېږي چې په افغانستان کې ماشومان له سخت وضعیت او مخ پر زیاتېدو ناورينونو سره مخ دي.
د ماشومانو د ژغورنې سازمان هم پرون اعلان وکړ چې ۵۵ سلنه بېځایه شویو ماشومانو له خپلو کورونو تر پرېښودو وروسته، خوړو ته لږ لاسرسی موندلی دی.
دغو ماشومانو روغتیايي وضعیت هم تر بېځایه کېدو وروسته خراب شوی دی.






