دغه موټر بم برید تېره شپه دوه بجې د ارزګان ولایت د چنارک په سیمه کې د امنیتي ځواکونو پر پوستې شوی دی.
د ارزګان والي عمر شېرزاد وايي، ياد برید تېره شپه دوه بجې د امنیتي او دفاعي ځواکونو پر یوې پوستې شوی چې له امله یې دوه د ملي اردو سرتېري، یو پولیس او یو د ملي امنیت سرتېری وژل شوي او درې تنه نور ټپیان شوي دي.
عمر شېرزاد وايي چې، د ټپیانو حالت د ډاډ وړ دی او سیمه د امنیتي ځواکونو تر ولکې لاندې ده.
له سیمې څخه یوې امنیتي سرچینې ۸صبح ته ویلي چې په دغه برید کې د ملي اردو د څلورمې پلي لوا د اوم کنډک قومندان، ډګرمن ذبیح الله غیور هم وژل شوی دی.
د پېښې مسؤلیت لا تر دې دمه کومې ډلې پر غاړه نه دی اخیستی.