۸صبح، کابل: د امریکا د استازو جرګې غړي آندري کارسن افغانستان ته د افغان کډوالو بېرته ستنول «ظالمانه او ناسم» اقدام بللی دی.
کارسن چهار شنبه د لړم پر ۲۰مه، له امریکا د زرګونو افغان کډوالو د احتمالي ایستلو په اړه نیوکه کړې او د هغوی د خوندیتوب غوښتنه یې کړې ده.
هغه زیاته کړې چې ډېری دغو کډوالو د امریکايي ځواکونو ترڅنګ کار کړی او اوس افغانستان ته د ایستلو له ګواښ سره مخ دي.
کارسن ټینګار کړی: «زه په ویاړ د افغانستان لپاره د لنډمهاله خوندي وضعیت (TPS) د قانون د دوهګوندي طرحې ملاتړ کوم، څو د دغو کسانو ساتنه وشي.»
هغه زیاته کړې چې امریکا باید خپلو افغان متحدانو ته شا نه کړي.
