د امریکا مرستیال ولسمشر جيډي ونس ویلي چې که ایران خپل اټومي پروګرام بیا بيل کړي، خپل ګاونډي هېوادونه وګواښي یا له ترهګرو ډلو ملاتړ وکړي، ډونالډ ټرمپ یې د ځواب لپاره بېلابېل غوراوي لري.
الجزیرې چهارشنبه د جولای پر لومړۍ راپور ورکړی چې ونس ویلي، د امریکا ولسمشر د ایران له خوا هر ډول بېثباته کوونکي ګام پر وړاندې د مقابلې بېلابېلې لارې په واک کې لري.
ونس ادعا کړې چې پر سوداګریزو بېړیو د ایران له بریدونو وروسته، امریکا پر دغه هېواد هوايي بریدونه کړي او د هرمز تنګي له لارې یې د بېړیو خوندي تګ راتګ ډاډمن کړی دی.
نوموړي زیاته کړې چې د امریکا پلاوی د قطر په پلازمېنه دوحه کې له ایراني چارواکو سره د سمندري تګ راتګ د جزییاتو او بهیر د ارزونې لپاره پر غیرمستقیمو خبرو بوخت دی.
ورته مهال ایران په وار وار د اټومي وسلو د ترلاسه کولو هڅو اړوند تورونه رد کړي او ټینګار یې کړی چې اټومي پروګرام یې سولهییزه بڼه لري.
