والسټرېټ ژورنال راپور ورکړی چې د امریکا ولسمشر ډونالډ ټرمپ په داسې حال کې پر ایران له تازه بریده ډډه کړې چې منځګړو د هرمز تنګي د بېرته پرانېستل په برخه کې پرمختګ کړی دی.
د راپور له مخې، د فارس خلیج ځينو هېوادونو یکشنبه د اګست پر ۲مه له ټرمپ څخه غوښتي چې له تهران سره د خبرو اترو لوری ونیسي.
باخبرو سرچینو ویلي چې په دې طرح کې له هرمز تنګي د بېړیو د تګ راتګ لپاره د یوې نوې تګلارې رامنځته کېدل هم راغلي دي.
تر اوسه لا هم دا څرګنده نه ده چې له تېرېدونکو بېړیو څخه د تګراتګ د فیس اخیستلو موضوع به څنګه هواره شي.
والسټرېټ ژورنال زیاته کړې چې اسراييلي چارواکي باوري دي چې ټرمپ غوره ګڼي، له ایران سره د پراخې جګړې پر ځای هوکړې ته ورسېږي.
