۸صبح، کابل: په افغانستان کې د خوړو نړیوال پروګرام (WFP) وايي، هغه هېواد پرمختګ نه شي کولای چې خلک یې وږي وي.
دغه پروګرام سهشنبه د وږي پر ۲۲مه، پر اېکس پاڼه ویلي چې لوږه د روغتیا، زدهکړو، معیشت او اقتصادي ودې بهیر کمزوری کوي.
د خوړو نړیوال پروګرام زیاته کړې چې خلکو ته د کافي خوړو رسول د یوې باثباته او هوسا ټولنې د رامنځته کولو لپاره اړین دي.
دې ادارې د خوړو او بشري مرستو اهمیت ته په نغوتې سره زیاته کړې چې باید ډاډ ترلاسه شي، څو ټول خلک، په ځانګړې توګه اړمنې کورنۍ هغو خوړو ته لاسرسی ولري چې اړتیا ورته لري.
د خوړو نړیوال پروګرام په داسې حال کې د خوړو د مرستو پر دوام ټینګار کوي چې په افغانستان کې یو شمېر کورنۍ د خپلو لومړنیو خوراکي اړتیاوو د پوره کولو لپاره پر بشري مرستو متکي دي.
