۸صبح، کابل: د روغتیا نړیوال سازمان (WHO) وايي چې په افغانستان کې څه باندې ۱.۹ میلیونه کسان د دغه بنسټ تر ملاتړ لاندې د روغتیايي مرکزونو له خدماتو برخمن شوي دي.
دغه سازمان پنجشنبه د لړم پر ۲۸مه راپور ورکړی چې تر ملاتړ لاندې روغتیايي مرکزونو کې یې ۱۱۷ زرو ۶۰۷ روغتیايي مشورې او د طبي وسایلو او تجهیزاتو ۱۳۱ بستې وېشل شوې دي.
د راپور له مخې، په همدې موده کې ۴۹۸ روغتیايي کارکوونکو په بېلابېلو تخصصي برخو کې روزنه ترلاسه کړې ده.
دغه راز، ۱۶ زره او ۸۸۴ مساپر هم له روغتیايي معایناتو برخمن شوي چې دا د ناروغیو د ژر تشخیص او په سرحدي سیمو کې د ناروغیو د خپرېدو د څار د پیاوړتیا لپاره شوي دي.
د روغتیا نړیوال سازمان د راپور په یوه بله برخه کې ویلي چې د ډینګي تبې پېښې د ۲۰۲۶ کال د سپټمبر میاشتې د شمېرو پرتله نږدې پنځه برابره زیاتې او د نورو ناروغیو پېښې کمې شوې دي.






