غزني کې د یوه کارېز کارونه بشپړ شول

د کلیو بیارغونې او پراختیا وزارت د سیمه ییز پروګرام له لوري د غزني ښار په اسفنده کلي کې د نږدې ۵ میلیونه افغانیو په لګښت د اوبه خور د یوه کاریز جوړولو پروژه بشپړه شوه.
د دغه وزارت لخوا په خپره شوې اعلاميه کې راغلي چې، په دې پروژه کې د کارېز سپرغې او کرنیزو ځمکو ته د اوبو ویاله په پاخه ډول جوړه شوې چې ۱۰۵۰۰ د سیمې وګړي ترې ګټه پورته کوي.
په خبرپاڼه کې راغلي دي چې، دې کاریز ۲۰۰ جریبه کرنیزه ځمکه او د سیمې باغونه تر منظم پوښښ لاندې راوستي دي.