۸صبح، کابل: نړیوال بانک، افغانستان د ۲۰۲۶ – ۲۰۲۷ مالي کال لپاره هم د ټيټ عاید لرونکو هېوادونو په کتار کې راوستی دی.
نړیوال بانک سهشنبه د زمري پر ۲۷مه په اېکس کې لیکلي سره له دې چې په ځينو هېوادونو کې د عاید کچه لوړه شوې، افغانستان لا هم د بېوزلو اقتصادونو په ډله کې دی.
د راپور له مخې، د ټيټ عاید لرونکو هېوادونو په ډله کې د افغانستان دوامداره پاتې کېدل، په دغه هېواد کې ننګونکی اقتصادي وضعیت او د عاید د ټیټې کچې ښکارندویي کوي.
نړیوال بانک له ۱۹۸۷ کال راهیسې هر کال هېوادونه د د عاید د کچې پر بنسټ ډلبندي کوي او افغانستان په وروستیو کالو کې هم د ټیټ عاید لرونکو هېوادونو په ډله کې پاتې شوی دی.
