۸صبح، کابل: په افغانستان کې د روغتیا نړیوال سازمان استازي اډوین سینیسا سلواډور د شکرې ناروغۍ د نړیوالې ورځې په مناسبت د دې ناروغۍ پر وختي تشخیص ټینګار کړی دی.
سلواډور شنبه د لړم پر ۲۴مه، ویلي چې ډېر کسان هغه مهال پوهېږي چې پر شکر ناروغۍ اخته دي، چې دې ناروغۍ یې په بدن کې عوارض رامنځته کړي وي.
هغه له ۴۰ کلنو او پورته عمر لرونکو کسانو غوښتي چې د وینې د شکری د معاینې لپاره تر ټولو نږدې روغتیايي مرکز ته ورشي.
سلواډور ټینګار کړی چې پر وخت تشخیص او اقدام کول د سترګو د لید او د پښتورګو د روغتیا په ساتلو کې مرسته کولای شي.
د روغتیا نړیوال سازمان استازي زیاته کړې چې د شکر ناروغۍ وختي تشخیص د دې ناروغۍ د جدي عوارضو په مخنیوي کې مهم رول لري.
