د نړۍ نامتو فوټبالر دیاګو مارادونا مړ شو

د ارجنټاین هېواد د فوټبال ملی لوبډلې نوموتی فوټبالر «دیاګو مارادونا»، تېره اونۍ د زړه حملې له امله، د ۶۰ کلونو په عمر ومړ.
مارادونا په ۱۹۶۰م کال کې د ارجنټاین په «لانوس» ښار کې دې نړۍ ته سترګې وغړولې.
په ۲۰۰۰م کال کې د ډېرو مخدره توکو په استعمال سره پر مارادونا د زړه حمله راغلې وه چې له درملنې وروسته روغ شو.
مارادونا په ۱۹۸۶ کال کې د ارجنټاین لپاره نړیوال جام ګټلی دی او د مشر روزونکي په توګه يې هم د خپل هېواد، ارجنټاین فوټبال لوبډله نیمه پایلوبې ته رسولې ده.
دیاګو مارادونا څو څو ځله د نشه یي توکو د کارولو له امله له لوبډلې بهر شوی دی او همدا د نشه يي توکو د ډېر استعمال له امله يې خپل ژوند له لاسه ورکړ.
د فوټبال نړۍ دغه افسانوي او نوموتي ستوري پخپل ژوند کې، ۵۸۱ لوبې وکړې او ۲۹۳ ګولونه يې په خپل نامه ثبت کړي دي.