د خوړو نړیوال پروګرام (WFP) ویلي چې په نړۍ کې ۲۶۶ میلیونه وګړي د خوړو له شدیدې ناامنۍ سره مخ دي او له لوږې سره د مبارزې لپاره له خلکو ملاتړ ډېر ارزښت موندلی دی.
نوموړي بنسټ شنبه د نومبر پر ۳مه راپور ورکړی چې د حکومتونو او شرکتونو ترڅنګ د خلکو مرستې هم له لوږې سره د مبارزې په برخه کې د دغه سازمان پر ماموریت بدل شوی دی.
د خوړو نړیوال پروګرام ویلي چې دا ملاتړ په داسې شرایطو کې ارزښت لري چې د نړۍ په ګوټ ګوټ کې میلیونونه کسان د خوړو له شدید کمښت سره مخ دي.
دغه بنسټ ټينګار کړی چې له لوږې سره د مبارزې او نړۍ کې ټولو ته د خوړو رسولو لپاره د دغه سازمان له فعالیتونو ملاتړ اړین دی.
