۸صبح، کابل: د ملګرو ملتونو د پراختیايي پروګرام (UNDP) رییس الکساندر ډی کرو د افغانستان ختیځو سیمو ته د سفر پر مهال ویلي چې له هرو څلورو افغانانو درې کسان نه شي کولای خپلې بنسټيزې اړتیاوې پوره کړي.
د ملګرو ملتونو دغه چارواکي يکشنبه د چنګاښ پر ۱۴مه پر خپله ایکس پاڼه لیکلي چې په افغانستان کې ناورينونه یو په بل پسې رامنځته کېږي.
الکساندر ډي کرو د خپل سفر او د زلزلهځپلو سیمو د لیدنې په تړاو ویلي چې له نږدې د وضعیت د ارزونې لپاره هلته تللی و، څو وکتل شي چې ملګري ملتونه څنګه کولاي شي له زیانمنو ټولنو سره له ناورينه د وتلو په برخه کې مرسته وکړي.
هغه زیاته کړې چې بېړنۍ مرستې ژوند ژغوري او خلکو د راتلونکي په تړاو هيله من کوي.
ډي کرو او د کډوالو په چارو کې د ملګرو ملتونو د عالي کمېشنرۍ کمېشنر برهم صالح پرون له افغانستانه د ليدنې لپاره کابل ته رسېدلي دي.
