۸صبح، کابل: د اریانا افغان هوايي شرکت خبر ورکړی چې د کابل – ډیلي ترمنځ د کارګو الوتنې یې زیاتې کړې او هره ورځ دوه الوتنې کېږي.
نوموړي شرکت شنبه د تلې پر ۴مه په اېکس پاڼه کې لیکلي چې دا الوتنې د سوداګرو او سوداګریزو اموالو په لېږد رالېږد کې د اسانتیا په موخه کېږي.
د اریانا افغان هوايي شرکت زیاته کړې چې د دغو کارګو الوتنو له لارې افغان سوداګر او شرکتونه کولی شي خپل سوداګریز توکي په چټک او خوندي توګه ولېږدوي.
یاد شرکت ویلي چې هڅه کوي د کارګو الوتنو خدمات پراخ کړي.
