۸صبح، کابل: د روغتیا نړیوال سازمان خبر ورکړی چې په ۲۰۲۶ کال کې په افغانستان کې د پولیو ویروس د لومړۍ بڼې ۴۲ مثبتې پېښې ثبت شوې دي.
نوموړي سازمان چهارشنبه د تلې پر ۲۹مه راپور ورکړی په روان کال کې په افغانستان او پاکستان کې د پولیو ۴۸ مثبتې پېښې ثبت شوې چې ۴۲ یې په افغانستان او پاتې یې په پاکستان کې دي.
د راپور له مخې، په ۲۰۲۵ کال کې په دغو هېوادونو کې د پولیو ۵۲ پېښې ثبت شوې وې چې ۲۱ یې په افغانستان او پاتې ۳۱ یې په پاکستان کې راپور شوې وې.
د ملګرو ملتونو د بشردوستانه مرستو د همغږۍ دفتر (اوچا) هم ویلي و چې د پولیو ډېرې پېښې د افغانستان له سویلي او ختیځو سیمو راپور شوې دي.
د اوچا د راپور له مخې، په کندهار، هلمند او ننګرهار کې د پولیو ډېرې پېښې ثبت شوې دي.
