۸صبح، بغلان: ځايي سرچینې وايي چې وسلهوالو غلو د بغلان په زاړه ښار کې یو دوکاندار په خپل کور کې وژلی او نغدې پیسې او سره زر یې ترې وړي دي.
سرچینو سهشنبه د زمري پر ۲۰مه ۸صبح ورځپاڼې ته وویل چې دا پېښه نن له غرمې وروسته شاوخوا دوه بجې د بغلان په زاړه ښار کې شوې ده.
د سرچینو په خبره، دا دوکاندار سمیعالله نومېده او غلو په ډزو وژلی او مېرمن یې ورته ټپي کړې ده.
سرچینې زیاتوي چې غلو د دغه ځوان له وژلو وروسته نغدې پیسې او سره زر وړي دي.
د بغلان د زاړه ښار اوسېدونکو په دې سیمه کې د وسلهوالو غلاوو له زیاتېدو اندېښنه ښودلې او د امنیت د ټينګېدو غوښتنه یې کړې ده.
تر اوسه په دې اړه په بغلان کې ځايي طالب چارواکو څه نه دي ویلي.
