۸صبح، پکتیکا: سیمهییزې سرچینې وايي چې په پکتیکا کې د طالبانو او پاکستان ترمنځ نښته کې درېیو کسانو ته مرګژوبله اوښتې ده.
سرچینو یکشنبه د لړم پر ۱۰مه ۸صبح ورځپاڼې ته وویل چې نن له غرمې وروسته کرښې ته څېرمه د دغه ولایت د شکین ولسوالۍ اړوند په «سورډاګ» سیمه کې پاکستاني ځواکونو پر څو استوګنیزو کورونو راکټي بریدونه کړي دي.
د سرچینو په خبره، په دغو راکټي بریدونو کې یو ځوان وژل شوی، دوو زدهکوونکي ټپيان او څو کورونه ویجاړ شوي دي.
ویل کېږي چې د تېرې یوې اوونۍ په اوږدو کې طالب او پاکستاني ځواکونه په پکتیکا کې کرښې ته څېرمه درې وارې جګړه کړې ده.
دا په داسې حال کې ده چې پرون د طالبانو ویاند ذبیحالله مجاهد ویلي و چې پاکستان د اختلافونو د سولهییز حل لپاره چمتو نه دی.
