۸صبح، کابل: د ملګرو ملتونو د نړیوالو اړیکو مشرې مېلیسا فلمینګ ویلي چې افغان ښځې او نجونې د طالبانو له بیاواکمنېدو وروسته له پراخو محدودیتونو او «پټو ټپونو» سره مخ دي.
نوموړې دوشنبه د زمري پر ۲۶مه په اېکس پاڼه کې لیکلي چې په افغانستان کې د ښځو او نجونو د حقونو بحران کمساری دی او نه دې هېرېږي.
هغې ټينګار کړی چې په افغانستان کې له هرو لسو ښځو اوو یې خپل رواني وضعیت «بد» یا «ډېر بد» بللی دی.
افغانستان په نړۍ کې یوازینۍ هېواد دی چې ښځې او نجونې پکې له شپږم ټولګي پورته ښوونځيو او پوهنتوني زدهکړو راګرځول شوې دي.
له دې مخکې د افغانستان د بیارغونې لپاره د امریکا پخواني ځانګړي سرمفتش جان ساپکو ویلي و چې د طالبانو تر واکمنۍ لاندې افغانستان کې د ښځو ژوند په «دوزخ» بدل شوی دی.
ساپکو د نړیوالې ټولنې او د امریکا د اوسني حکومت پر کړنو نیوکه کړې او ویلي یې دي چې د افغان ښځو د وضعیت د لا خرابېدو د مخنیوي لپاره اړین اقدام نه دی شوی.
