د ملګرو ملتونو سرمنشي انتونیو ګوتېرېش له اټومي ګواښونو د مخنیوي او د اټومي وسلو د له منځه وړلو موخې ته د نږدې کېدو لپاره له یو بل سره د همکارۍ غوښتنه وکړه.
ګوتېرېش چهارشنبه د سپټمبر پر ۳۰مه په اېکس پاڼه کې لیکلي چې له تېرې څه باندې نیمايي پېړۍ راوروسته په لومړي وار د ستراتېژيکو اټومي سلاکوټونو لپاره هېڅ الزامي محدودیت نه شته.
نوموړي ویلي چې دا د نړیوالې ټولنې امنیت کمزوری کوي او د اټومي سلاکوټونو په اړه اندېښنې زیاتوي.
د ملګرو ملتونو سرمنشي له ټولو هېوادونو غوښتي چې په هر هغه هڅه کې رغنده ونډه واخلي چې نړۍ د اټومي وسلو بشپړ له منځه وړلو ته نږدې کوي.
ګوتېرېش ټینګار کړی چې د اټومي ګواښونو د کمولو او د بېوسلې کولو پر لور د تګ لپاره د هېوادونو همکاري اړینه ده.
