د ملګرو ملتونو سرمنشي انتونیو ګوتېرېش وايي چې پاکستان د امریکا او ایران ترمنځ د خبرو لپاره د شرایطو په برابرولو کې مهمه او برخلیک ټاکونکې ونډه درلوده.
ګوتېرېش سهشنبه د اکتوبر پر ۶مه، ویلي چې د پاکستان هڅو د جون پر ۱۷مه د اسلاماباد د تفاهملیک، وروسته د اوربند او امریکا او ایران ترمنځ د نورو خبرو لپاره د یو چوکاټ په رامنځته کولو کې مرسته کړې ده.
نوموړي د ملګرو ملتونو په امنیت شورا کې د پاکستان له ونډې او د خبرو، منځګړیتوب او ډیپلوماسۍ په برخه کې د دغه هېواد له ملاتړه مننه کړې ده.
هغه زیاته کړې چې پاکستان له هغو هېوادونو څخه دی چې د ملګرو ملتونو سوله ساتو ځواکونو سره په ګډه اوږده مخینه لري. نوموړي د پاکستان له څه باندې ۱۸۰ سوله ساتو ځواکونو هم مننه کړې چې د سولې په لار کې یې خپل ژوند له لاسه ورکړی دی.
دا څرګندونې داسې مهال کېږي چې د پاکستان له هڅو سره سره، د امریکا او ایران ترمنځ ترینګلتیا لا هم روانه ده او دواړه تر اوسه وروستۍ هوکړې ته نه دي رسېدلي.
