۸صبح، هرات: سیمهییزې سرچینې وايي چې د هرات په اسلامکلا ګمرک کې پراخه اورلګېدنه رامنځته شوې او د تېلو او ګازو ټانکرونو اور اخیستی دی.
سرچینو چهارشنبه ماښام د تلې پر ۸مه له ۸صبح ورځپاڼې سره په خبرو کې ویلي چې اورلګېدنه لا هم دوام لري.
د اورلګېدنې له سیمې خپرې شوې ویډیوګانې هم د پېښې شدت او پراخوالی ښيي.
د اسلامکلا په پوله کې له ایرانه راستانه شوي کډوال هم شته او د سرچینو په وینا، دا کسان د اورلګېدنې له امله له سخت وضعیت سره مخ دي.
تر اوسه د پېښې د لامل او احتمالي مرګژوبلې په اړه جزییات نه دي خپاره شوي.
