۸صبح، بغلان: د ملي مقاومت جبهې په بغلان کې د طالبانو له خوا د خپلو دوو قوماندانانو وژل کېدل تایید کړي دي.
دې جبهې يکشنبه د وږي پر ۸مه، پر خپله ایکس پاڼه په خپره کړې اعلامیه کې ویلي چې دغه دوه قوماندانان د طالبانو په یوه «کمین» کې وژل شوي دي.
د اعلامیې له مخې، د ملي مقاومت جبهې د دغو دوو قوماندانانو نومونه قوماندان شمسالدین او قوماندان بابې یاد کړي دي.
د ملي مقاومت جبهې په وینا، دغو قوماندانانو په تېرو پنځو کلونو کې له طالبانو سره د مقاومت په سنګرونو کې په سختو شرایطو کې مبارزه کړې ده.
دا په داسې حال کې ده چې طالبانو تر دې مخکې د بغلان ولایت د نهرین ولسوالۍ په چهارساې سیمه کې د ملي مقاومت جبهې د څلورو غړو د وژل کېدو خبر ورکړی و.
