د کرملین ویاند دیمیتري پسکوف ویلي چې د امریکا ولسمشر ډونالډ ټرمپ له منځمهالو ټاکنو وروسته د ولسمشرۍ د ځانګړو واکونو له مخې هم خپلې بهرنۍ تګلارې ته دوام ورکولی شي.
ټاس خبري اژانس پنجشنبه د نومبر پر ۵مه راپور ورکړی چې پسکوف د امریکا د ټاکنو د پایلو د اغېز په اړه د یوې پوښتنې په ځواب کې ویلي چې دا د امریکا له کورنیو چارو سره تړاو لري.
د امریکا منځمهاله ټاکنې د نومبر پر درېیمه وشوې چې ډیموکرات ګوند پکې ډېرې څوکۍ ګټلې دي.
ډونالډ ټرمپ له ټاکنو وروسته ویلي چې د جمهوريغوښتونکي ګوند له کمزوري کړنې حیران شوی، خو له ډیموکراتانو سره همکارۍ ته چمتو دی.
