د امریکا ولسمشر ډونالډ ټرمپ ویلي چې له ایران سره د جګړې پر مهال د چین له روله «چندان ناهیلی» نه دی او باوري دی چې له تهرانه د بیجینګ ملاتړ محدود و.
ټرمپ یکشنبه د اپریل پر ۲۶مه له رسنیو سره په خبرو کې ویلي چې چین کولی شوای ډېره مرسته وکړي، خو په دغه کړکېچ یې اوسنۍ ونډه چندان پراخه نه ده.
نوموړي له اوکرایین څخه د امریکا ملاتړ ته په اشارې ویلي چې د چین ونډه «ډېره بده» نه ارزوي، ځکه واشنګټن هم په ځينو نښتو کې له هېوادونو ملاتړ کوي.
ټرمپ ویلي چې د خبرو لپاره یې ډيپلوماتیک سفرونه لغوه کړي او ایران ته یې ویلي چې د مذاکراتو لپاره زنګ ووهي یا واشنګټن ته ورشي.
د امریکا ولسمشر زیاته کړې: «هغوی پوهېږي چې په هوکړه کې څه باید وي. ډېر ساده دي؛ هغوی باید اټومي وسلې ونه لري، که نه نو د لیدنې لپاره دلیل نه شته.»
ټرمپ ویلي چې په مذاکراتو کې د امریکا لاس بر دی او خپل استازي به پاکستان ته ونه لېږي.
