د مصر پلازمېنې قاهرې په سویل کې د دوو مسافر وړونکو اورګاډو د ټکر په پېښه کې څلور کسان مړه او ۸۸ نور ټپیان شوي دي.
رویټرز خبري اژانس یکشنبه د نومبر پر ۸مه راپور ورکړی چې په پېښه کې د اورګاډو څو واګونونه له پټلۍ وتلي او د ژغورنې عملیات روان دي.
د مصر د دولتي ریل پټلۍ ادارې د معلوماتو له مخې، هغه اورګاډی چې له جیزې د فیوم پر لور روان و، د بل هغه اورګاډي له وروستۍ برخې سره جنګېدلی چې له قاهرې د اسوان پر لور رهی و.
د مصر ولسمشر عبدالفتاح السیسي د سملاسي څېړنو امر کړی او ځواب ویلو ته یې د هغو کسانو راکاږلو غوښتنه کړی چې بې غوري یې کړې ده.
د مصر د اوسپنې پټلۍ سازمان اعلان کړی چې ژغورن ډلې د زیانمنو واګونونو د پاتې شونو په پاکولو بوختې دي، څو د قاهرې او مصر د سویلي سیمو ترمنځ د اورګاډو تګ راتګ بېرته پیل شي.
