۸صبح، کابل: د روغتیا نړیوال سازمان (WHO) وايي، د اروپايي ټولنې په ملاتړ او د خپلو همکارانو په همکارۍ یې په افغانستان کې د نشهيي توکو د استعمال له اختلال څخه د اغېزمنو کسانو لپاره روغتیايي خدمات پیاوړي کړي دي.
دغه بنسټ چهارشنبه د تلې پر ۲۹مه په اېکسپاڼه کې لیکلي چې د دغه پروګرام له پیل راهیسې د ۱۹۲ ښځو په ګډون ۵۵۱ روغتیايي کارکوونکو ته روزنه ورکړل شوې ده.
د روغتیا نړیوال سازمان په خبره، دا روزنه د نشهيي توکو د استعمال اختلال او ورسره د تړلو رواني روغتیايي ستونزو د ښې پېژندنې او مدیریت کولو په موخه، پر نشهيي توکو د روږدو د درملنې په مرکزونو کې ورکړل شوې ده.
یاد بنست زیاته کړې چې د دغو هڅو په پایله کې د روغتیايي خدماتو د وړاندې کولو وړتیا او د اغېزمنو کسانو د باکیفیته پاملرنې او رغیدو بهیر پیاوړې شوی دی.
د روغتیا نړیوال سازمان ټینګار کړی چې د دغو خدماتو پیاوړتیا د نشهيي توکو د استعمال له اختلال سره د مخ کسانو او اغېزمنو ټولنو اړتیاوو ته د غوره ځواب ویلو په برخه کې مرسته کوي.
