د ملګرو ملتونو د ماشومانو د ملاتړ صندوق (یونیسف) خبرداری ورکړی چې په جنګي سیمو کې بریدونه ماشومان پاکو اوبو او بنسټيزو خدماتو ته له لاسرسي بې برخې کوي او ژوند ته یې جدي پایلې لرلی شي.
یونیسف شنبه د نومبر پر ۷مه په اېکس پاڼه کې لیکلي چې په جګړه کې ښکېلو سیمو کې ان یو برید هم د ماشومانو ژوند اغېزمنوي.
دغه سازمان ټينګار کړی چې له اوبو محرومیت د ماشومانو روغتیا، تغذیه او ښوونه له ډېرو ستونزو سره مخ کوي.
یونیسف له ښکېلو لورو او حکومتونو غوښتي د اوبو له سرچینو، بشرپالو کارکوونکو او ماشومانو ساتنه وکړي.
یونیسف له دې مخکې هم ویلي و چې په تېرو پنځو کالو کې په جنګي سیمو کې د اوبو او فاضلابو پر تاسیساتو بریدونه درې برابره ډېر شوي دي.
